تقييمات مارسيليا علم الروم ريزورت للعائلات فقط

مريح ونظيف والاكوا بارك جميله وحمام السباحة كذلك

مفيش خدمات في المنطقه او المكان بالنسبه للاكل والشرب لازم يكون معاك عربيه عشان تنزل تشتري حاجات

كل حاجه هناك حلوه من اول استاذ ادم صاحب المكان لغاية اهل البلد بجد احسن مكان ممكن تروحه

شكر خاص للأستاذ ادم مالك الشاليه، على التعامل و نظافة الشاليه و كل شئ ممتاز. شكرا جزيلا

القرية جميلة و نظيفة للغاية و حمامات السباحة نظيفة و رائعة و المكان يتميز بالهدوء

انقطاع الكهرباء يوميا في المساء و لكنها تعود سريعا المكان فعلا بعيد عن المدينة ...لازم يكون معاك سيارة ..و مفيش اي خدمات في القرية ماركت او خلافه ...مجرد السكن و البسينات

المضيف شخص رائع ومتعاون جدا ، المكان قمة في النظافة ، القرية تحفة وهادئة ومريحة ونظيفة وادارتها تستحق الاحترام ، مكان أرشحة بجدارة لكل من يريد الاستجمام

قرب الشالية من مولد الكهرباء العمومي للقرية جعل في صوت عالي مزعج مستمر علي مدار الرحلة لا ينقطع ، القرية بعيدة عن المرافق الهامة الصيدليات خلافه ، الاكوا بارك اغلي من المعتاد بدون سبب ، بعد القرية من معظم الشواطئ الشهيرة 50 دقيقة علي الاقل لأي شاطئ مشهور لذلك ستحتاج سيارة أكيد

المكان جميل ونظيف وموقعه مميز. صاحب المكان قمة في الإحترام والتعامل.

لا شئ .. أتمنى وجود مايكرويف

المكان اكثر من رائع ومعاملة الاستاذ ادم صاحب الشاليه اكثر من ممتازة

بعد الشاليه عن وسط البلد والخدمات

الشاليه نضيف اوي زي الصور وصاحب المكان محترم جدا متوفر في الشاليه تكيفات في الغرف و فوط و ادوات نضافه و صابون و شاور و البلكونه قدام البيسبن بظبط و كان نضيف و هادي مفيهوش زحمه

بعيده بس عن الشاطئ او وسط المدينه نص ساعه بالعربيه

صاحب المكان قمة فى الذوق والاحترام والشاليه ممتاز جدا

لاشئ

استاذ ادم انسان خلوق جدا وفي منتهى الاحترام. المكان نظيف جدا و مريح. قدام ال pool على طول. ويمكن الاستمتاع Aqua Park, وبجد كانت ممتعه جدا واكيد مش هتبقى اخر مره.

مكان الاقامه نظيف وصاحب الشاليه قمه في الادب والذوق والاخلاق ومهتم جدا بنظافه الشاليه وتوافر كل شئ للمستأجر

القريه ككل ليس بها نظافه وبها كلاب ضاله وابراص وبعيده جدا عن العالم 😅 اقرب شاطئ نص ساعه وكذلك وسط البلد نص ساعه والاكوا بارك غاليه جدا الفرد ب 300 ج ملهاش اي تلاتين لازمه

الشقة نظيفة و اثاث نظيف ، كاملة بكل ما نحتاج من ثلاجة و غسالة ادوات مطبخ ، ادوات نظافة دور ارضي أمام حمام السباحة ، حدائق حول الوحدة من الامام و الخلف ، جلسة مريحة في التراس ، المنتجع هادئ ، اكوابارك قريبة

المنتجع بعيد عن وسط المدينة ب 30 دقيقة بالسيارة ، يلزم وجود سيارة للاستمتاع بالمكان و حرية التنقل

مميزات الشاليه (غرام 6 الدور الأرضي ) انه نظيف جداً ومكيف والأثاث والفرش نظيف جداً والمطبخ فيه كل حاجه والاجهزة جديدة وانه مساحته كويسه وانه دايركت عالجاردن وعالبوول وآمن للأطفال وفيه مساحات خضراء كبيره ومنطقة ألعاب للأولاد وملعب كورة قدم وبجواره الاكوابارك وبشكر مالك الشاليه استاذ آدم علي حفاوة الاستقبال وتعاونه معانا اننا نستمتعوا بالإقامة في القرية وعلي نظافة الشاليه واهتمامه بكل التفاصيل فيه وتوفير كل الاحتياجات اللي ممكن أي واحد جاي يصيف فترة صغيرة ونسي حاجات صغيرة حتي الولاعه والملح والفلفل والسكر والشاي ونسكافيه بصراحة الليفل ده انا شوفته فقط في الفنادق 5 نجوم وشكراً ان الاولاد استمتعوا فعلاً بالإقامة في القرية وان شاء الله يكون دايماً مصيفنا كل سنة 🌺🌺🌺🌺

احسن حاجه عجبتني ذوق المالك استاذ آدم وكرم اخلاقه وتعاونه علي توفير كل سبل الراحة المكان هادئ جداً ونظيف وآمن يناسب اللي بيدور علي هدوء واستجمام بعيد عن صخب المدينة وطبعاً يكون معاك سيارة او تتفق مع تاكسي لو مفيس سيارة للتنقلات خارج القرية